بسم الله نبدأ
الاول: الا قولي ياخويا هي دي مش محطة مصر الجديده؟
الثاني: ع الحديده؟ كفا الله الشر
الاول: بتقول راس البر؟ ده مصيف محترم
الثاني: الهرم اتخرم؟ يااادي النيله
الاول: بتقول بليله؟ هو انت جعان؟
الثاني: بتقول عيان؟ ماتيجي نروح للدكتور
الاول: بتقول حنطور؟ ده الاتوبيس واقف كل يوم تحت العماره
الثاني: بتقول اماره؟ شوفتني اتأمرت؟
الاول: اتأخرت؟ ليه دي الساعه لسه 3
الثاني: استاذ شحاته؟ اهلا وسهلا الدنيا متاعب وانت راجل كبير
الاول: انا خنزير؟ اهو انت اللي برميل
الثاني: عايز تركب فيل؟ انت شايف نفسك هندي؟
الاول: بنتي؟ دي بنتي كبرت وبقت عروسه
الثاني: محشي كوسه؟ ده انا نفسي فيه من زمان
الاول: عايز تشرب دخان؟ تعالى ع القهوه
الثاني: استهوى؟ ليه دي الدنيا لسه حر
الاول: السمك طلع ع البر؟ ياحراام
الثاني: انا معنديش احترام؟ اهو انت اللي معندكش زوق
الاول:بتقول باب اللوء؟ يبقى دي مش محطة مصر الجديده
ههههههههه كفايه
موضوع: حوار بين اتنين سمعهم تقيــــــــــــــــــــــــــــــــــــل 
الخميس يوليو 07, 2011 9:47 pm
